Qaradağ Rayon Mənzil-Kommunal Təsərrüfatı Birliyinin rəisi Namizəd İsmayılov uzun illərdir bu mühüm və məsuliyyətli sahəyə rəhbərlik edir. O, daim yüksək idarəçilik bacarığı, vətənə və dövlətə bağlılığı ilə seçilən peşəkar rəhbərlərdən biridir. Rəhbərlik etdiyi qurumun fəaliyyət istiqaməti birbaşa vətəndaşların gündəlik rifahına xidmət edir və bu səbəbdən Namizəd müəllim hər zaman işində səmərəli və məsuliyyətli yanaşması ilə fərqlənir.
Namizəd İsmayılovun rəhbərliyi ilə son illər ərzində Qaradağ rayonunda geniş abadlıq-quruculuq işləri görülüb. Rayonda küçə və məhəllələrdə təmizlik işlərinin gücləndirilməsi, binaların həyətlərinin abadlaşdırılması, yaşıllıq zolaqlarının salınması, park və xiyabanların yenilənməsi daim diqqət mərkəzində saxlanılır. O, öz işinə böyük məsuliyyətlə yanaşır və sakinlərin məmnuniyyətini əsas meyar olaraq görür. Görülən işlərin nəticəsində Qaradağ rayonu daha abad, daha gözəl və yaşıl məkana çevrilib.
Vətən Müharibəsi şəhidlərinin əziz xatirəsi Namizəd İsmayılov üçün hər zaman müqəddəs olub. O, şəhid ailələrini və qazilərimizi daim diqqətdə saxlayır, onların sosial problemləri ilə yaxından maraqlanır, imkan daxilində dəstəyini əsirgəmir. Namizəd müəllim tez-tez şəhid ailələrini ziyarət edərək onların qayğılarını dinləyir, hər zaman dövlətin və xalqın onların yanında olduğunu hiss etdirir. Bu yanaşması ilə o, həm rəhbər, həm də insan kimi böyük hörmət qazanıb.
Namizəd İsmayılov mübarək Ramazan ayında da xeyriyyəçilik işlərini davam etdirir. Hər il Ramazan ayında aztəminatlı ailələr üçün xüsusi yardımlar təşkil olunur. Ailələrə ərzaq bağlamaları, maddi yardımlar çatdırılır. Namizəd müəllim hər zaman vurğulayır ki, Ramazan paylaşmaq ayıdır və bu ayda insanların qəlbinə bir az da olsa sevinc qatmaq borcumuzdur. Onun təşkil etdiyi yardımlar yüzlərlə ailənin üzündə sevinc yaradır, dualarla qarşılanır.
Bu gözəl bahar bayramı münasibətilə Namizəd İsmayılov bütün Qaradağ sakinlərini ürəkdən təbrik edərək bunları bildirib:
"Novruz xalqımızın ən əziz bayramıdır, baharın, yeniliyin, bərəkətin carçısıdır. Arzu edirəm ki, bu Novruz bayramı hər birinizin ailəsinə xoşbəxtlik, ruzi-bərəkət və sağlamlıq gətirsin. Qarşıdan gələn illərdə də bir olmağa, daha güclü olmağa davam edək. Əminəm ki, dövlətimizin dəstəyi, xalqımızın birliyi ilə Qaradağımız daha da gözəlləşəcək, daha da inkişaf edəcək."
Namizəd İsmayılov hər zaman qeyd edir ki, rəhbərlik etdiyi sahə birbaşa insanlara xidmət etmək deməkdir. Onun üçün insanların rahatlığı, məmnuniyyəti, rifahı ən önəmli vəzifədir. Gündəlik olaraq rayonun müxtəlif ərazilərində olmağı, sakinlərin problemlərini dinləməyi və operativ şəkildə həll etməyi özünün birbaşa borcu hesab edir.
Məhz bu səbəbdəndir ki, Namizəd İsmayılov həm kollektivinin, həm də Qaradağ rayon ictimaiyyətinin dərin hörmətini qazanıb. Onun gördüyü işlər və göstərdiyi xidmətlər, dövlətə və xalqa sədaqəti gələcək nəsillər üçün gözəl nümunədir.
Sonda onu da qeyd edək ki, Namizəd İsmayılov kimi vicdanlı və peşəkar rəhbərlərimizin fəaliyyəti sayəsində Qaradağ rayonu günü-gündən daha da inkişaf edir və gözəlləşir.