Sumqayıt şəhərinin nüfuzlu təhsil ocaqlarından biri olan Sumqayıt Dövlət Texniki Kollecində illərdir böyük uğurla fəaliyyət göstərən direktor müavini Əsəd Qurbanov öz peşəkarlığı, səmimiliyi və işgüzarlığı ilə seçilən ziyalılarımızdandır.
Əsəd Qurbanov uzun illər təhsil sahəsində qazandığı zəngin təcrübəsi ilə yüzlərlə tələbənin düzgün formalaşmasına, peşəkar kadr kimi yetişməsinə böyük töhfələr verib. Onun rəhbərliyi və nəzarəti altında Sumqayıt Dövlət Texniki Kollecində tədrisin keyfiyyəti durmadan artır, müasir dövrün tələblərinə cavab verən peşəkar kadrlar hazırlanır.
Əsəd Qurbanov üçün təkcə bilik vermək kifayət deyil, o, daim tələbələrin vətənpərvər ruhda böyüməsinə xüsusi önəm verir. Hər zaman gəncləri dövlətə, dövlətçiliyə, milli-mənəvi dəyərlərimizə sadiq yetişdirmək Əsəd müəllimin əsas hədəflərindən olub.
Əsəd Qurbanov təkcə təhsil sahəsində deyil, sosial sahədə də fəallığı ilə seçilir. O, şəhid ailələrinə, qazilərə, aztəminatlı ailələrə daim xüsusi diqqət və qayğı göstərir. Ramazan ayında aztəminatlı ailələrə yardım kampaniyalarında, xeyriyyə tədbirlərində həmişə ön sıralarda olur. Bu yüksək insani keyfiyyətləri onu həm kollektivdə, həm də Sumqayıt ictimaiyyətində sevilən şəxsiyyətə çevirib.
Əsəd Qurbanov qarşıdan gələn Novruz bayramı münasibətilə bütün Azərbaycan xalqını, xüsusilə təhsil camiəsini səmimi qəlbdən təbrik edir, bu müqəddəs bayramın bolluq, bərəkət, ruzi və firavanlıq gətirməsini arzulayır.
Bu gün Sumqayıt Dövlət Texniki Kollecinin direktor müavini Əsəd Qurbanov uğurlu fəaliyyəti, peşəkarlığı, yüksək insani keyfiyyətləri ilə gənc nəslin etibarlı dayağı, müəllim kollektivinin isə nüfuzlu rəhbərlərindən biridir. Onun əsas məqsədi Vətəninə, xalqına sadiq, peşəkar vətəndaşlar yetişdirmək, ölkəmizin daha parlaq gələcəyinə töhfə verməkdir.
Uğurlarınız bol olsun, Əsəd müəllim! Azərbaycan təhsilinin inkişafı yolunda fəaliyyətiniz daim davamlı olsun!