Tərtər rayonunun infrastrukturunun möhkəmlənməsində və yolların yüksək səviyyədə saxlanılmasında mühüm rolu olan 29 saylı Yol İstismar İdarəsi illərdir peşəkar komanda və təcrübəli rəhbərlik sayəsində uğurla fəaliyyət göstərir. Bu uğurların mərkəzində dayanan şəxs isə idarənin rəisi, işgüzar və bacarıqlı rəhbər Ramil Bayramovdur.
Ramil Bayramov uzun illərin təcrübəsinə, geniş dünyagörüşünə və yüksək təşkilatçılıq bacarığına malik olan dövlət qulluqçusudur. Onun rəhbərliyi ilə 29 saylı Yol İstismar İdarəsi rayon ərazisində yol infrastrukturunun yenilənməsi, cari və əsaslı təmir işlərinin aparılması, qış mövsümündə yolların təmiz saxlanılması və təhlükəsizliyin təmin olunması sahəsində əhəmiyyətli işlər görür.
Ramil müəllim işə olan ciddi yanaşması və məsuliyyəti ilə tanınır. Hər zaman çalışır ki, Tərtər rayonunda yollar yüksək keyfiyyətlə salınsın, kəndlərarası yollar abadlaşdırılsın və vətəndaşların rahat hərəkəti təmin olunsun.
Ramil Bayramovun rəhbərliyi ilə həyata keçirilən yol infrastrukturu layihələri regionun sosial-iqtisadi inkişafına böyük töhfə verir. Yeni yolların çəkilməsi, mövcud yolların bərpası təkcə nəqliyyatın rahatlığı üçün deyil, həm də kənd təsərrüfatının, ticarətin və turizmin inkişafı üçün əlverişli şərait yaradır.
O, daim dövlətin və rayon rəhbərliyinin tapşırıqlarını məsuliyyətlə yerinə yetirir, kənd sakinlərinin müraciətlərinə diqqətlə yanaşır və mövcud problemlərin operativ həllinə çalışır.
Ramil Bayramov sosial məsuliyyətini unutmayan rəhbərlər sırasındadır. O, daim şəhid ailələrinə, qazilərə və aztəminatlı ailələrə dəstək göstərir. Müxtəlif tədbirlərdə, xeyriyyə aksiyalarında fəal iştirak edərək onların yanında olduğunu sübut edir. O bildirir ki, bu müqəddəs torpaqlar uğrunda canını verənlərin ailələrinə yardım etmək hər birimizin vətəndaşlıq borcudur.
Mübarək Ramazan ayında aztəminatlı ailələrə ərzaq yardımları göstərən Ramil müəllim, eləcə də Novruz bayramı münasibətilə müxtəlif kəndlərdə bayram sovqatlarının paylanmasını təşkil edir. Onun təşəbbüsü ilə rayonun bir çox kəndlərində sevinc dolu anlar yaşanır, ailələrə bərəkət və ruzi bəxş olunur.
Bu gün Tərtər rayon sakinləri Ramil Bayramovun gördüyü işlərə yüksək qiymət verirlər. Onun rəhbərliyi ilə yol infrastrukturu sahəsində həyata keçirilən layihələr insanların həyat keyfiyyətini yüksəldir, kəndləri bir-birinə və rayon mərkəzinə daha da yaxınlaşdırır.
Ramil Bayramov bir rəhbər kimi nümunəvi iş adamı, bir insan kimi isə xeyirxah və səmimi şəxsiyyət obrazı formalaşdırıb. Onun fəaliyyəti Tərtər rayonunun abadlaşması, inkişafı və insanların rifahı naminə görülən böyük işlərin bariz nümunəsidir.
Tərtər rayonunun yolları sabit inkişaf və yeniliklərin carçısı olaraq Ramil Bayramovun rəhbərliyi ilə daha da gözəlləşir və abadlaşır!
Uğurlarınız bol olsun, Ramil müəllim!